- ශ්‍රී ලංකාවේ මෝටර් වාහනයක් ලියාපදිංචි කිරීම සඳහා එය මීට ඉහත මෙරට ලියාපදිංචි නොකරන ලද වාහනයක් විය යුතුය.
- වමෙන් පදවන වාහන ශ්‍රී ලංකාවේ ලියා පදිංවි කරනු නොලැබේ.
- වාහන ලියාපදිංචි කිරීමේදී භාවිතා කරන MTA – 2 අයදුම්පතේ අඩංගු කරන තොරතුරු පරිගනක ගත කරන බැවින් MTA – 2 අයදුම් පත ඉංග්‍රීසි භාෂාවෙන් පමණක් සම්පුර්ණ කළ යුතුය.
- මොටර් වාහනයක් ලියාපදිංචි කිරීම සඳහා ඉදිරිපත් කළ යුතු ලියකියවිලි කොළඹ 05, නාරාහේන්පිට පිහිටි මොටර් රථ ප්‍රවාහන දෙපාර්තමේන්තුවේ ප්‍රධාන කාර්යාලයේ ඇති අදාළ ලියාපදිංචි කිරීමේ අංශයට රඡයේ කාර්යාල විවෘත දින වලදි පෙ:ව 9.00 සිට ප.ව 1.30 දක්වා බාර දිය හැකිය.
- යතුරු පැදි පමණක් දිස්ත්‍රික් ලේකම් කාර්යාල වලින් ද ලියාපදිංචි කරනු ලැබේ.
- අයදුම් පත් නොමිලේ නිකුත් කරනු ලැබේ.
- අයදුම්පත් ප්‍රධාන කාර්යාලයේ අයදුම් පත් කවුළුවෙන් හෝ දිස්ත්‍රික් කාර්යාල වලින් හෝ ලබා ගත හැක.
ඉදිරිපත් කළ යුතු ලියකියවිලි
- MTA – 2 අයදුම්පත
- වාහනය අයිතිකරුගේ අඟල් 2.0 X 2.5 ප්‍රමානයේ ඡායාරුප දෙකක් (අදාළ ප්‍රදේශයේ ග්‍රාම නිලධාරි හෝ ආනයනකරු පසුපිටේ සහතික කළ යුතුය)
- වාහන අයිතිකරුගේ ජාතික හැඳුනුම්පතේ හෝ රියදුරු බලපත්‍රයේ හෝ වලංගු විදේශ ගමන් බලපත්‍රයේ හෝ ඡායා පිටපතක්
- රේගු සටහන්කරය (Custom 53)
- රේගු බදු ගෙවිම් කල බදු රිසිට් පත් වල මුල් පිටපත් (Assessment Notice)
- අලුත්ම වාහනයක් නම් අදාළ ඉන් වොයිසිය.
- පාවිචිචි කළ වාහනයක් නම් විදේශ ලියාපදිංචි සහතිකය(ඉංග්‍රිසි පරිවර්තනය සමග)
- ආනයන බලපත්‍රයක් සහිතව අනයනය කර ඇත්නම් එම බල පත්‍රය.
- පරම අයිතිය ලියාපදිංචි කිරීම සඳහා නම් අදාල MTA- 3
- උගස් සහිතව ලියාපදිංචි කිරීම සහා නම් උගස් ඔප්පුවේ පිටපතක්.
- රේගු ත්‍රිවිධ හමුදා හො උසාවි වෙන්දේසි වලින් ලබාගත් වහනයක් නම් අදාළ බලධාරින්ගෙන් ලබා ගත් ලිපිය හා රිසිට් පත.
- 2007.03.01 පසු නැව් ගත කළ H.S. සංකේත 8702, 8703, 8704, සහ 8705 යටතට ගැණෙන පාවිචිචි කළ වාහන සඳහා පූර්ව අපනයන පරීක්‍ෂණ සහතිකය.
- අලුත් වාහන සඳහා අදාළ වාහන මාදිලියේ මුලාකෘතිය හෝ අදාළ බර කිරීමේ සහතිකය.
- ව්‍යාපාරයක නාමයට ලියාපදිංචි කරන්නේ නම් එම ව්‍යාපාරය ලියාපදිංචි සහතිකයේ ඡායා පිටපත්.
- මෝටර් රථ සඳහා මෝටර් රථ පරීක්ෂක වාර්තාව.
- අදාළ වාහනයේ ඉදිරිපස සහ බඳ දැක්වෙන තැපැල් පතක ප්‍රමාණයේ වර්ණ ඡායාරූප 02 ක් (චැසි අංකය සඳහන් කර අයදුම්කරු අත්සන් කළ යුතුය)
- යතුරු පැදියක්නම් මෝටර් රථ පරීක්ෂක වරයෙකු සහතික කළ ඇසුරුම් ලේඛනය (Packing List)
- ආනයනික පවිචිචි කළ යතුරුපැදියක් නම් රේගුලියවිලි වලට අමතරව එන්ඡින් අංකය හා චැසි අංකය මෝටර් රථ පරීක්ෂකවරයෙකු සහතික කළ යුතුය.
- මෙරට නිෂ්පාදනය හෝ එකලස් කරන ලද මෝටර් වාහනයක් සඳහා සහකාර කොමසාරිස් විසින් චැසි හා එන්ජින් අංක අනුමත කරන ලද ලිපිය ඉදිරිපත් කළ යුතුය.
- තීරුබදු සහන මත ආනයනය කර ඇති විට තීරුබදු නිදහස් කිරීමේ අවසර පත්‍රය
